Iftikhar Raghib
aag ke saath hi paani bhi baham rakhna tha
dil men tha ishq to ankhon ko bhi nam rakhna tha
mujh ko malum tha badli hui rut ka anjam
phir bhi be-tab umangon ka bharam rakhna tha
ab kahan dil ki talab aql se ho kuchh imdad
ik zara soch ke pahla hi qadam rakhna tha
un se ummid na rakhta main vafa ki kaise
dast-e-ulfat men mohabbat ka ilm rakhna tha
shiddat-e-ishq men karna tha izafa ‘raghib’
aur betabi-e-jazbat ko kam rakhna tha
Leave a Reply