aa jaa.e na raat kashtiyon men
phenko na charagh paniyon men
ik chadar-e-gham badan pe le kar
dar dar phira huun sardiyon men
dhagon ki tarah ulajh gaya hai
ik shaḳhs miri bura.iyon men
us shaḳhs se yuun mila huun jaise
gir jaa.e nadi samundaron men
lohar ki bhaTTi hai ye duniya
bande hain azaab ki ruton men
ab un ke sire kahan milenge
TuuTe hain jo ḳhvab zalzalon men
mausam pe zaval aa raha hai
khilte the gulab khiḌkiyon men
andar to hai raaj rat-jagon ka
bahar ki faza hai andhiyon men
kohra sa bhara hua hai ‘ḳhavar’
ankhon ke udaas jhonpaḌon men
Leave a Reply