kis ne ki baat abhi kaun shanasa nikla
yaad aaya to mira apna hi chehra nikla
garmi-e-zist nahin aaj muqaddar men mire
aaj suraj bhi jo nikla to adhura nikla
lauT jaane men lagenge mujhe barson shayad
ye samundar to miri soch se gahra nikla
jism to le gaya vo raat men chori kar ke
sub.h bistar se mire jism ka ḳhaka nikla
zahmat-e-nutq se yuun bach ga.e donon aḳhir
main hi gunga na tha vo shaḳhs bhi bahra nikla
Leave a Reply