jazbat ki shiddat se nikharta hai bayan aur
ghairon se mohabbat men sanvarti hai zaban aur
ehsas ki palkon men tiri yaad ka partav
ghamgin bana deta hai mahfil ka saman aur
guzre hue halat se banti hai kahani
girte hue taron se munavvar hai makan aur
mujh ko na bata ziist ke imkan bahut hain
miTTi men nami ho to ubharte hain nishan aur
angan hi men ḳhushbu ko muqayyad na karo tum
parvaz se mil ja.enge insan ko jahan aur
Leave a Reply