rumuz-e-be-ḳhudi samjhe na asrar-e-ḳhudi samjhe
baḌi shai hai agar apni haqiqat aadmi samjhe
ziya andar ziya tanvir dar tanvir zau dar zau
koi aḳhir kahan tak raz-ha-e-zindagi
nahin haTti nazar anjam-e-alam se nahin haTti
use koi ḳhudi gardan le ya be-ḳhudi samjhe
bahut mushkil hai is me.aar ki rindi zamane men
jo laghzish ko gunah aur be-ḳhudi ko zindagi samjhe
jab ehsas-e-bulandi past kar deta hai fitrat ko
ye mushkil hai phir insan aadmi ko aadmi samjhe
junun ik manzil-e-be-nam ko tai karta jaata hai
kise fursat hai jo sud-o-ziyan-e-zindagi samjhe
hamen to muddaton se justuju hai aise insan ki
hamari zindagi ko bhi jo apni zindagi samjhe
jala paati hai is se ruuh dil bedar hota hai
baḌi muddat men ham ‘ehsan’ qadr-e-muflisi samjhe
Leave a Reply