Daniyal Tareer
aag men jalte hue dekha gaya hai
asman galte hue dekha gaya hai
ek be-chehra musafir rang oḌhe
dhund men chalte hue dekha gaya hai
muTThiyan bhar kar use tarikiyon se
shakl par malte hue dekha gaya hai
ghar men bhi huun aur mujh ko dasht men bhi
dhuup men jalte hue dekha gaya hai
chaudhvin ke chand men us ka sarapa
sub.h-dam Dhalte hue dekha gaya hai
Leave a Reply