chaman ko lag ga.i kis ki nazar ḳhuda jaane
chaman raha na rahe vo chaman ke afsane
suna nahin hamen ujḌe chaman ke afsane
ye rang ho to sanak jaa.en kyuun na divane
chhalak rahe hain surahi ke saath paimane
bula raha hai haram, Tokte hain but-ḳhane
khisak bhi ja.egi botal to pakḌe ja.enge rind
janab-e-shaiḳh lage aap kyuun qasam khane
ḳhizan men ahl-e-nasheman ka haal to dekha
qafas nasib pe kya guzri hai ḳhuda jaane
hujum-e-hashr men apne gunahgaron ko
tire siva koi aisa nahin jo pahchane
naqab ruḳh se na sarki thi kal talak jin ki
sabha men aaj vo aa.e hain nachne-gane
kisi ki mast-ḳhirami se shaiḳh nalan hain
qadam qadam pe bane ja rahe hain mai-ḳhane
ye inqalab nahin hai to aur kya ‘bismil’
nazar badalne lage apne jane-pahchane
Leave a Reply