Poet
mire badan ki tapish ruuh tak utarega
vo aa.ine men kabhi mera ruup dharega
shu.ur-e-gham use dohra.ega hazaron baar
ye ek raat ka.i saal tak guzarega
kabhi to aa.egi bad-e-sumum is janib
kabhi to vaqt mujhe shaḳh se utarega
yuun nange sar na chalo kucha-e-tasavvur men
ḳhayal lafz ka patthar uTha ke marega
ai ahl-e-shahr uThao na itne unche makan
shab-e-firaq kise rasta pukarega
havas ka aks paḌega akele kamre men
koi na hoga to a.ina aankh marega
vo laḌ-jhagaḌ ke chala to gaya hai duur kahin
na jaane ‘ashk’ mujhe kis tarah bisarega
Leave a Reply