Zara Si Raat Dhal Jae To Shayad Nind Aa Jae

zara si raat Dhal jaae to shayad niind aa jaae

zara sa dil bahal jaae to shayad niind aa jaae

abhi to karb hai be-chainiyan hain be-qarari hai

tabiat kuchh sambhal jaae to shayad niind aa jaae

hava ke narm jhonkon ne jagaya teri yadon ko

hava ka rukh badal jaae to shayad niind aa jaae

ye tufan ansuon ka jo umaD aaya hai palkon tak

kisi surat ye tal jaae to shayad niind aa jaae

ye hansta muskurata qafila jo chand taron ka

‘farah’ aage nikal jaae to shayad niind aa jaae

Leave a Comment