zamin valon ki basti men sukunat chahti hai
miri fitrat sitaron se ijazat chahti hai
ajab thahrao paida ho raha hai roz o shab men
miri vahshat koi taaza aziyyat chahti hai
main tujh ko likhte likhte thak chuka huun meri duniya
miri tahrir ab thodi si fursat chahti hai
udhar munh-zor maujen dandanati phir rahi hain
magar ik naav dariya se baghavat chahti hai
Leave a Reply