zamin pe rah ke kahan fikr-e-asman rakhna
tum apne dost jo rakhna to ham-zaban rakhna
mohabbaton ko na.e hausle ata karna
adavaton ko tah-e-tegh ham-rahan rakhna
bikhar na jaa.e miri zindagi ka shiraza
mire ḳhuda miri himmat ko tu javan rakhna
ye mashghala bhi ajab hai hamare beTe ka
har ek chiiz uThana yahan vahan rakhna
banana ret ke ghar tum ko yaad to hoga
phir in gharon men mohabbat ki sipiyan rakhna
Leave a Reply