zahrab rag-e-jan men utara hi bahut tha
basti ne tiri mujh ko rulaya hi bahut tha
viran hue aah ke asarat se maskan
logon ne mujhe mil ke sataya hi bahut tha
hona tha kisi roz hamen yuun bhi to paspa
palkon pe tujhe ham ne biThaya hi bahut tha
ik roz to milna tha jafa-kash ko sila bhi
paigham-e-vafa ham ne sunaya hi bahut tha
girna tha kisi roz bulandi se hamen bhi
ḳhvabon ka nasha aankh pe chhaya hi bahut tha
‘ḳhanda’ ye jo main deti bhi to qarz kahan tha
pahle se azizon pe baqaya hi bahut tha
Leave a Reply