ye nahin pahle tiri yaad se nisbat kam thi
majra ye tha ki ehsas men shiddat kam thi
kis liye chhin liya to ne ghazalon ka sukun
is ḳharabe ke liye kya miri vahshat kam thi
vaise bhi us se koi rabt na rakkha main ne
yuun bhi duniya men kashish teri ba-nisbat kam thi
tere kirdar ko itna to sharaf hasil hai
tu nahin tha to kahani men haqiqat kam thi
ham to us vaqt bhi raushan the kisi goshe men
jab zamane ko charaghon ki zarurat kam thi
Leave a Reply