Poet
ye ghani chhanv ye ThanDak ye dil-o-jan ka sukun
meri ankhon pe tire gesu-e-pur-ḳham to nahin
lazzat-e-dard vahi hai vahi kaifiyyat-e-zist
iltifat-e-nigah-e-naz abhi kam to nahin
dil ke arman machalte hi chale jaate hain
ye siyah-rat tiri kakul-e-barham to nahin
uljhanen shauq ki baḌhti hi chali jaati hain
aaj zulfon men tiri koi naya ḳham to nahin
ḳhud ko bhule hue duniya se gurezan rahna
ye kahin teri mohabbat hi ka aalam to nahin
DabDaba aa.en mujhe dekh ke ankhen us ki
haa.e be-dard mire dard-e-moharram to nahin
rah ga.iin jam ke ye kis par miri nazren ‘muztar’
ru-ba-ru aaj vahi husn-e-mujassam to nahin
Leave a Reply