yaqinan ham ko ghar achchhe lage the
makin pahle magar achchhe lage the
use ruḳhsat kiya aur us se pahle
yahi divar-o-dar achchhe lage the
vo dariya hijr ka tha tund dariya
udasi ke bhanvar achchhe lage the
hamare haath men patthar ka aana
daraḳhton par samar achchhe lage the
sa.ubat to safar men lazmi thi
magar kuchh ham-safar achchhe lage the
vo chehre jin pe raushan thi sadaqat
lahu men tar-ba-tar achchhe lage the
Leave a Reply