yahan hava ke siva raat bhar na tha koi
mujhe laga tha koi hai magar na tha koi
thi ek bhiid magar ham-safar na tha koi
safar ke vaqt judai ka dar na tha koi
vo raushni ki kiran aai aur chali bhi gai
khula hua miri basti ka dar na tha koi
bas ek baar vo bhula tha ghar ka darvaza
phir us ke jaisa yahan dar-ba-dar na tha koi
jhulas ke rah gae angan men dhuup se paude
ki saya-dar purana shajar na tha koi
ye aur baat raha be-niyaz mahfil men
yuun mere haal se vo be-khabar na tha koi