abrar-kiratpuri

Waswase Dil Mein Na Rakh Khauf-e-Rasan Le Ke Na Chal

vasvase dil men na rakh khauf-e-rasan le ke na chal

azm-e-manzil hai to ham-rah thakan le ke na chal

rah-e-manzil men bahr-e-hal tabassum farma

har qadam dukh sahi mathe pe shikan le ke na chal

nuur hi nuur se vabasta agar rahna hai

sar pe suraj ko utha sirf kiran le ke na chal

pahle faulad bana jism ko apne ai dost

barish-e-sang men shisha sa badan le ke na chal

aas insaf ki munsif se nahin hai to na rakh

na-umidi ki magar dil men chubhan le ke na chal

More Poems

Leave a Comment