visal-o-hijr ke janjal men paḌa hua huun
men arsh-e-rau kahan patal men paḌa hua huun
vahi ghuTan, vahi ma.amul zindagi, vahi gham
kahan main jashn na.e saal men paḌa hua huun
yahan se niklun kisi aur ka shikar banun
isi liye to tire jaal men paḌa hua huun
gareban chak, dhuan, jaam, haath men cigarette
shab-e-firaq, ajab haal men paḌa hua huun
pahunch chuka hai zamana zamin se chand tilak
kahan main zulf, nazar, gaal men paḌa hua huun
Leave a Reply