Uske Dhyan Ki Dil Mein Pyas Jaga Li Jae

us ke dhyan ki dil men pyaas jaga li jaae

ek bhi shaam na phir us ke naam se khali jaae

aankhon men kajal ki parat jama li jaae

sakhiyon se yuun priit ki jot chhupa li jaae

ret hai suraj hai vusat hai tanhai

lekin naan is dil ki kham-khayali jaae

aankhon men bhar kar is dasht ki hairani

vahshat ki umda tasvir bana li jaae

aap ne pahle bhi to mujh ko dekha hoga!

aap ke munh se aap ki baat chura li jaae

sochon men girdab se padne lag jaaen

aankhon se phir aath pahar na laali jaae

dil-azari ki mitti se istada ghar

un be-faiz daron tak kaun savali jaae

Leave a Comment