Jameeluddin Aali
umr-bhar ka yaad hai bas ek afsana mujhe
main ne pahchana jise us ne na pahchana mujhe
anjuman ki anjuman mujh se muḳhatab ho ga.i
aap ne dekha tha shayad be-niyazana mujhe
pahle divana kaha karte the lekin aj-kal
log kahte hain sarapa tera afsana mujhe
gaahe gaahe zikr kar lene se kya yaad aa.ega
yaad hi rakhna mujhe ya bhuul hi jaana mujhe
ḳhvab hi dekha hai lekin haa.e kis lazzat ka ḳhvab
vo mire ghar tera aana aur bahlana mujhe
Leave a Reply