Teri Judai Mein Ye Dil Bahut Dukhi to Nahin

tirī judā.ī meñ ye dil bahut dukhī to nahīñ

ki us ke vāste ye rut koī na.ī to nahīñ

tum apne apne lage the vagarna āñkhoñ meñ

ik aur ḳhvāb sajāne kī taab thī to nahīñ

tumhāre lab pe khilā hai to va.ada hai taslīm

vagarna apne bharose kī tum rahī to nahīñ

tire baġhair na jiine kā ahd puurā kiyā

tire baġhair jo kaaTī vo zindagī to nahīñ

kabhī kabhī mujhe lagtā hai vo nahīñ hai vo

magar kabhī kabhī lagtā hai vo vahī to nahīñ

Leave a Comment