Tartib-O-Tawazun Ka Na Todenge Bharam Hum

tartiib-o-tavaazun kaa na to.De.nge bharam ham

ik roz saf-e-dahr se ho jaae.nge kam ham

jazbo.n ke sulagte hue KHaashaak me.n gum tum

KHvaahish kii laraztii huii aavaaz-e-aham ham

ai shaaKH-e-tamannaa tujhe tanhaa nahii.n karte

KHanjar tujhe pa.Dte hai.n pa hote hai.n qalam ham

us ne to yuu.n hii puuchh liyaa thaa ki koii hai

mahfil me.n uthaa shor ba-yak-laKHt ki ham ham

sahraa ke tab-o-taab kii baKHshish hai ki tuu hai

jhhatkaarte phirte hai.n in aa.nkho.n se jo nam ham

ik KHvaab machaltaa hai jo ban ban ke lahuu tuu

ik dard jo bharne nahii.n detaa hame.n dam ham

mausam bhii kuchh aisaa hai ki Dhalne nahii.n detaa

kuchh tere taraf-daar bhii hai.n shaam-e-alam ham

zanjiir-e-giraa.n-baar hai shaaKH-e-rag-e-jaa.n ab

mushkil se chale.nge bhii to do chaar qadam ham

siine me.n dabii rakhte hai.n bhuulii huii ik shakl

palko.n pe uthaa rakhte hai.n baar-e-shab-e-Gam ham

Leave a Comment