Nusrat Mehdi
sitare aane lage ehtimam karne ko
ba-zid hai chand bhi kuchh tam-jham karne ko
chaman men bad-e-saba kar rahi hai sargoshi
vo aane vaale hain dam bhar qayam karne ko
saubaton se safar ki thaka hua hai vo
khamoshi chahiye us se kalam karne ko
suna hai tark-e-taalluq pe vo pasheman hai
kaha tha kis ne ye qissa tamam karne ko
hamare biich men ik rabt-e-ghaebana hai
nahin ye baat zamane men aam karne ko
Leave a Reply