shorish-e-paiham bhi hai afsurdagi-e-dil bhi hai
zindagi bahta hua dhara bhi hai sahil bhi hai
qais ki nazron se koi dekhne vaala to ho
najd men laila bhi hai jalve bhi hain mahmil bhi hai
qissa-e-dar-o-rasan ya qissa-e-gesu-o-qad
kuchh to chheḌo vaqt bhi hai rang par mahfil bhi hai
kya kare pamal-e-gham ik yad-e-mazi hi nahin
haal ki bhi talḳhiyan hain fikr-e-mustaqbil bhi hai
hai idhar tufan daman-gir ‘rahi’ kya karun
muntazir mera udhar koi lab-e-sahil bhi hai
Leave a Reply