shikoh-e-ab men gum the jihat-nishan mere
hava ne rakh diye tah kar ke badban mere
sahar ko saath uḌa le ga.i saba jaise
ye kis ne kar diye raste dhuan dhuan mere
tire ishara-e-abru pe rut badalti hai
bahar hai na tasallut men hai ḳhizan mere
utarne vaale safinon men chhed karte ga.e
Dubo ga.e mujhe sahil pe mehrban mere
khila shagufa-e-gham shaḳh-e-umr par ‘sayyad’
mahak rahe hain sar-e-harf jism-o-jan mere
Leave a Reply