sharik-e-dard duniya men baḌi mushkil se milta hai
dua.en jo dava se dil ka maara dil se milta hai
fareb-e-asman ghurbat ki raten dekhte jaao
ki har taara charagh-e-sarhad-e-manzil se milta hai
na jaane ruuh kis nakam ki maujon men bekal se
safina Dagmaga jaata hai jab sahil se milta hai
tumhen to qadr karni chahiye thi apne ashiq ki
girate ho nazar se tum use jo dil se milta hai
‘hayat’ un ka zamana hai vo jo chahen sitam Dha.en
magar ashiq bhi mujh jaisa baḌi mushkil se milta hai
Leave a Reply