shab-e-surur na.i dastan visal-o-firaq
na fikr-e-sud-o-ziyan darmiyan visal-o-firaq
main us se baat karun bhi to kis havale se
ki musta.ar makan men kahan visal-o-firaq
usi ke naam pe jiite hain aur marte hain
yahi hai qissa-e-ashutagan visal-o-firaq
vo kah gaya hai ki a.unga muntazir rahiyo
main mubtala-e-yaqin-o-guman visal-o-firaq
vo paḌh raha tha baḌe ghaur se lahu ki sarisht
har ek buund ka sirr-e-nihan visal-o-firaq
hava-e-sub.h na jaane kahan kahan le jaa.e
shab-e-murad shab-e-darmiyan visal-o-firaq
main us ko haath lagata bhi kis tarah ‘sahba’
ajiib kashmakash-e-jan azaan visal-o-firaq
Leave a Reply