sach hai ki ah-e-sard miri be-asar nahin
patthar ko jhaḌiye to nikalta sharar nahin
auron ko ho to ho hamen marne se Dar nahin
ḳhat le ke ham hi jaate hain gar nama-bar nahin
har-chand mujh men koi kamal-o-hunar nahin
har charḳh-e-kina-doz se main be-ḳhatar nahin
uThta qadam jo aage ko ab rahbar nahin
pichhe to chhoḌ aa.e kahin us ka ghar nahin
dil le ke de vo bosa ye hai muqtaza-e-sin
qimat hai us ki kya use ab tak ḳhabar nahin
be-iḳhtiyar rote hain paḌh paḌh ke marsiye
ulfat men teri gar ye mira parda-dar nahin
arsh-e-barin pe ja ke ruken shauq ke qadam
‘arif’ ye ashiyana-e-ḳhairul-bashar nahin
Leave a Reply