Malikzaada Manzoor Ahmad
ruḳh pe ahbab ke phir rang-e-musarrat aa.e
phir miri samt koi sang-e-malamat aa.e
teri rahmat ka bharam TuuT raha hai shayad
aaj ankhon men miri ashk-e-nadamat aa.e
vaqt shahid hai ki har daur men iisa ki tarah
ham salibon pe liye apni sadaqat aa.e
husn hai un men tira mere junun ka andaz
phuul bhi le ke ajab shakl o shabahat aa.e
daur-e-ishrat ne sanvare hain ghazal ke gesu
fikr ke pahlu magar gham ki badaulat aa.e
Leave a Reply