Jamal Owaisi
qarib aate hue aur duur jaate hue
ye kaun log hain be-vaj.h muskurate hue
ye lamhe saz-e-azal se chhalak ke gir ga.e the
tabhi se yuun hi musalsal hain gungunate hue
ik aisi samt jidhar kab se hu ka aalam hai
main ja raha huun akela qadam baḌhate hue
main kab se dekh raha huun ajiib si harakat
mira likha hua kuchh log hain miTate hue
jo dal ke paas the un se hai ma.arka darpesh
chala huun jazbon ki divar aaj Dhate hue
Leave a Reply