paiham diya pyala-e-mai barmala diya
saaqi ne iltifat ka dariya baha diya
us hila-ju ne vasl ki shab ham se ruuth kar
nairang-e-rozgar ka aalam dikha diya
allah ri bahar ki rang afriniyan
sehn-e-chaman ko takhta-e-jannat bana diya
ab vo hujum-e-shauq ki sarmastiyan kahan
mayusi-e-firaq ne dil hi bujha diya
‘hasrat’ ye vo ghazal hai jise sun ke sab kahen
‘momin’ se apne rang ko tu ne mila diya
Leave a Reply