Akhtar Shumar
paḌe the ham bhi jahan raushni men bikhre hue
ka.i sitare mile us gali men bikhre hue
miri kahani se pahle hi jaan le pyare
ki hadse hain miri zindagi men bikhre hue
dhanak si aankh kahe bansuri ki lai men mujhe
sitare DhunD ke la naghmagi men bikhre hue
main pur-sukun rahun jhiil ki tarah yaani
kisi ḳhayal kisi ḳhamushi men bikhre hue
vo muskura ke koi baat kar raha tha ‘shumar’
aur us ke lafz bhi the chandni men bikhre hue
Leave a Reply