sarwat-zehra

Nigah-E-Khak! Zara Pairahan Badalna To

nigah-e-khak! zara pairahan badalna to

vabal-e-ruh mira ye badan badalna to

haqiqaton ke safar men bahut akeli huun

majaz-e-ishq! zara bankpan badalna to

junun ke bojh se thakne laga zaman o khala

gharib-e-shauq zara phir vatan badalna to

naya mile to koi zaiqa tamanna ko

dil-e-tabah miri ye jalan badalna to

sulag rahi huun abhi bhi magar maza hi nahin

sarab-e-naz ghamon ki agan badalna to

More Poems

Leave a Comment