Athar Shakeel
natija tajassus ka behtar bhi hai
mashaqqat ki tah men muqaddar bhi hai
nadi paar karna hi kaafi nahin
abhi raste men samundar bhi hai
agar ghar ko chhoḌen to jaa.en kahan
qayamat to khiḌki se bahar bhi hai
gulabon ka dhoka na khaa.e koi
azizon ki jholi men patthar bhi hai
nahin niind ankhon men tujh bin miri
ḳhunuk raat hai tan pe chadar bhi hai
batao zamane men ‘at.har’ tumhen
sukun ek din ko mayassar bhi hai
Leave a Reply