Poet
naale dam lete nahin ya-rab fughan rukti nahin
go qafas men band huun lekin zaban rukti nahin
Dar raha huun TuuT ja.engi qafas ki tiliyan
kya musibat hai hava-e-bostan rukti nahin
didani hain mulzim-e-hasti ki tufan-ḳheziyan
Dubne se kashti-e-umr-e-ravan rukti nahin
uḌ ke ham pahunchenge manzil par hava-e-shauq men
karvan ruk jaa.e gard-e-karvan rukti nahin
diqqaten” haa.el hain fann-e-sher men lekin ‘aziz’
ek andhi hai miri tab-e-ravan rukti nahin
Leave a Reply