Mujhko Ye Jaan-O-Dil Qubul Naghme Ko Naghma Hi Samajh

mujh ko ye jan-o-dil qubul naghme ko naghma hi samajh

saaz ye bit.ti hai kya ye bhi kabhi kabhi samajh

ishq hai tishnagi ka naam tod de gar mile bhi jaam

shiddat-e-tishnagi na dekh lazzat-e-tishnagi samajh

husn ki mehrbaniyan ishq ke haq men zahr hain

husn ke ijtinab tak ishq ki zindagi samajh

tark-e-taalluqat bhi ain-e-taalluqat hai

aag bujhi hui na jaan aag dabi hui samajh

aql ke karobar men dil ko bhi rakh sharik-e-kar

dil ke muamalat men aql ko ajnabi samajh

ghuncha-o-gul ke saath saath dil ki taraf bhi ik nazar

shefta-e-shaguftagi vajh-e-shaguftagi samajh

aise bhi raaz hain ‘khumar’ hote nahin jo ashkar

apni hi mushkilen na dekh un ki bhi bebasi samajh

Leave a Comment