mizaj-o-martaba-e-chashm-e-nam ko pahchane
jo tujh ko dekh ke aae vo ham ko pahchane
mila hai dard hamen dard-ashna ki tarah
bhala hua ki khulus-e-karam ko pahchane
hazar kos nigahon se dil ki manzil tak
koi fareb se dekhe to ham ko pahchane
ye khud-fareb ujale ye haath haath diye
diye bujhao ki insan gham ko pahchane
bahut dinon to havaon ka ham ne rukh dekha
bade dinon men mata-e-qalam ko pahchane
Leave a Reply