meri arzani se mujh ko vo nikalega magar
apne uupar ek din qurban kar dega mujhe
munjamid kar dega mujh men aa ke vo saara lahu
dekhte hi dekhte be-jan kar dega mujhe
kitna mushkil ho gaya huun hijr men us ke so vo
mere paas aa.ega aur asan kar dega mujhe
rafta rafta saari tasviren damakti ja.engi
apne kamre ka vo atish-dan kar dega mujhe
ḳhvab men kya kuchh dikha la.ega vo a.ina-ru
niind khulte hi magar hairan kar dega mujhe
ek qatre ki tarah huun us ki ankhon men abhi
ab na Tapkunga to vo tufan kar dega mujhe
Leave a Reply