mire laboñ pe usī aadmī kī pyaas na ho
jo chāhtā hai mire sāmne gilās na ho
ye tishnagī to milī hai hameñ virāsat meñ
hamāre vāste dariyā koī udaas na ho
tamām din ke dukhoñ kā hisāb karnā hai
maiñ chāhtā huuñ koī mere ās-pās na ho
mujhe bhī dukh hai ḳhatā ho gayā nishāna tirā
kamān khīñch maiñ hāzir huuñ tū udaas na ho
ġhazal hī rah ga.ī tāhir-‘farāz’ apne liye
jahāñ meñ koī aisā bhī be-asās na ho