Poet
mire gham ki unhen kis ne ḳhabar ki
ga.i kyuun ghar se bahar baat ghar ki
ghuTa jaata hai dam ruḳhsat hua kaun
ye duniya gard hai kis ke safar ki
ye kaisa khel hai ai chashm-e-pur-fan
udhar kyuun ho ga.i duniya idhar ki
hunar sikha zamana aib ka tha
ḳhata ki aur ham ne jaan kar ki
bahut rusva hue bas ai dua bas
ḳhushamad ab nahin hoti asar ki
bahut kyuun ho na rusva.i hamari
yahi to hai kama.i umr bhar ki
Tali ‘natiq’ musibat jaan le kar
hamen ruḳhsat kiya aur aap sarki
Leave a Reply