Mere Gham Ki Unhen Kis Ne KHabar Ki

mire ġham kī unheñ kis ne ḳhabar kī

ga.ī kyuuñ ghar se bāhar baat ghar kī

ghuTā jaatā hai dam ruḳhsat huā kaun

ye duniyā gard hai kis ke safar kī

ye kaisā khel hai ai chashm-e-pur-fan

udhar kyuuñ ho ga.ī duniyā idhar kī

hunar sīkhā zamāna aib kā thā

ḳhatā kī aur ham ne jaan kar kī

bahut rusvā hue bas ai duā bas

ḳhushāmad ab nahīñ hotī asar kī

bahut kyuuñ ho na rusvā.ī hamārī

yahī to hai kamā.ī umr bhar kī

Talī ‘nātiq’ musībat jaan le kar

hameñ ruḳhsat kiyā aur aap sarkī

Leave a Comment