masti azal ki shahpar-e-jibril ho ga.i
meri bayaz partav-e-injil ho ga.i
dil ka gudaz aah ki tasir dekh kar
patthar ki zaat kaanp ke tahlil ho ga.i
har lafz kankari ki tarah ghair par gira
apni dua falak pe ababil ho ga.i
fir.aun-e-be-karam jo hua ma.il-e-sitam
naddi mire lahu ki vahin niil ho ga.i
jaana tha zud-tar mujhe maidan-e-hashr men
ya shaghl-e-hadsat men hi Dhiil ho ga.i
Leave a Reply