maktab ki ashiqi bhi tariḳh-e-zindagi thi
fazil tha ghar se majnun laila paḌhi likhi thi
farhad jaan dega shirin tabah hogi
ye to ḳhuda ke ghar se goya kahi badi thi
qudrat ke da.ere men us vaqt but bane the
jab ne.amat-e-takallum taqsim ho chuki thi
ka.abe men ham ne ja ke kuchh aur haal dekha
jab but-kade men pahunche surat hi dusri thi
matam men mere ‘muztar’ vo kis ada se aaya
ankhon men kuchh nami thi honTon pe kuchh hansi thi
Leave a Reply