main vo dariya huun chaḌha ho jo utarne ke liye
ji raha huun main yahan ham-zad marne ke liye
cha.e-ḳhane ki nashiston par jaridon ke varaq
peḌ se patte jhaḌe uḌne bikharne ke liye
ek main madd-e-muqabil vus.at-e-afaq men
aur saari taqaten gumrah karne ke liye
hafiza viran hone ke liye abad tha
naam kuchh honTon pe aa.e the bisarne ke liye
kar-ḳhanon ko chale amboh-dar-amboh log
janvar nikle charagahon men charne ke liye
raushni men ḳhauf ka ehsas tak hota nahin
kar diya hai off Teble-lamp Darne ke liye
Leave a Reply