main vo aansu ki jo maala men piroya jaa.e
tu vo moti ki jise dekh ke roya jaa.e
bahr ko bahr na samjhe to ḳhatavar bane
ab taqaza hai safine ko Duboya jaa.e
ye baja hai ki amanat men ḳhayanat na karo
ehtiyatan hi sahi zaḳhm ko dhoya jaa.e
thak ga.e nazron ke paanv bhi siyah jangal men
ab zara der Thahar jaao ki soya jaa.e
aaj ki raat ba-har-hal na sona ‘shahid’
har ghaḌi aankh men ik ḳhaar chubhoya jaa.e
Leave a Reply