Main Sikhta Raha Ek Umr Haw-Hu Karna

maiñ sīkhtā rahā ik umr hāv-hū karnā

yūñhī nahīñ mujhe aayā ye guftugū karnā

abhī talab ne jhameloñ meñ Daal rakkhā hai

abhī to sīkhnā hai terī aarzū karnā

hameñ charāġhoñ se Dar kar ye raat biit ga.ī

hamārā zikr sar-e-shām kū-ba-kū karnā

bhalā ye kis ne kahā thā hayāt-baḳhsh hai ye ishq

kabhī mile to use mire rū-ba-rū karnā

kise ḳhabar kise miltā hai lams-e-fikr-e-rasā

ḳhayāl-e-yār ke zimme hai justujū karnā

mujhe bhī rañj hai murjhā ga.e vo phuul se log

batā rahā hai mirā zikr-e-rañg-o-bū karnā

sukūt-e-shab ne sikhāyā thā mujh ko āḳhir-e-shab

balā kā shor ho jab ḳhāmushī rafū karnā

Leave a Comment