Mirza Athar Zia
main apne jism ki divar men chunun ḳhud ko
phir apne-ap se baten karun sunun ḳhud ko
tamam shahr men bikhra paḌa hai mera vajud
koi bata.e bhala kis tarah chunun ḳhud ko
nikal paḌa huun main ham-zad DhunDne apna
laga ke baiTha hua huun ajab junun ḳhud ko
mire vajud ke sab tane-bane uljhe hain
kidhar kidhar se main suljha.un aur banun ḳhud ko
vo chiiz kya hai ki jis ki talash men ‘at.har’
udheḌ udheḌ ke apna badan dhunon ḳhud ko
Leave a Reply