lahu-luhan tha shaḳh-e-gulab kaaT ke vo
hua halak chaTanon ke ḳhvab kaaT ke vo
main guzre vaqt ke kis asman men jiita huun
gaya kabhi ka hava ki tanab kaaT ke vo
isi umiid pe jalti hain dasht dasht anhken
kabhi to aa.ega umr-e-ḳharab kaaT ke vo
hue hain ḳhushk bhari dopahar ka.i dariya
is aarzu men ki rakh de sarab kaaT ke vo
guzishta shab se jazire men vardat nahin
bhanvar ko le gaya yuun zer-e-ab kaaT ke vo
Leave a Reply