laga ke naqb kisi rose maar sakte hain
purane dost naya ruup dhaar sakte hain
ham apne lafzon men surat-gari ke mahir hain
kisi bhi zehn men manzar utaar sakte hain
ba-zid na ho ki tiri pairvi zaruri hai
ham apne aap ko behtar sudhar sakte hain
vo ek lamha ki jis men mile the ham donon
us ek lamhe men sadiyan guzar sakte hain
hamari aankh men jaadu bhara samundar hai
ham us ka aks nazar se nithar sakte hain