kisī nazar meñ samā.ūñ vo valvala bhī de
nikhār baḳhshā hai tū ne to ā.īna bhī de
tamām lafz hī ḳhāmosh maslahat ke shikār
zabān dī hai to kahne kā hausla bhī de
gumān-o-vaham ke mābain thak ke baiTh gayā
kahāñ talāsh karūñ kuchh atā-patā bhī de
nafas nafas kī aziyyat se baat kyā bantī
mire aziiz mujhe zaḳhm-e-jāñ-fazā bhī de
charāġh aise añdheroñ meñ saath deñ kab tak
safar hī shart agar hai to rāsta bhī de
mirā ḳhulūs tire makr-o-fan se haar gayā
kahāñ azāb-e-mukarrar mujhe haTā bhī de