Poet
kis tarah yaad men us shoḳh ki bekal dariya
koh men dasht men phirta raha pagal dariya
chandni raat vo kafir ye faza-e-mai-gun
paas angḌa.iyan leta hua chanchal dariya
jab vo aseb-zada dasht se guzra to laga
jaise nau-ḳhez si beva ka hai anchal dariya
apni ḳhamoshi pe kya aur kahun is ke siva
jaise tufan se pahle koi bekal dariya
aisi hi saḳht use choT lagi hai dil par
saanp ki tarah taḌapta hai ye gha.il dariya
Leave a Reply